Vinstri hornamaðurinn, Jón Karl Einarsson hefur fengið félagaskipti yfir til nýliða Víkings í Olís-deild karla frá uppeldisfélagi sínu Haukum.

Jón Karl sem er uppalinn Haukamaður og lék sína fyrstu leiki fyrir meistaraflokk félagsins tímabilið 2019-2020. Meiðsli hafa sett strik í reikninginn á ferlinum hjá honum.

Hann lék með HK í Olís deildinni á láni frá Haukum tímabilið 2023-2024. Tímabilið 2024/2025 lék hann með U-liði Hauka í Grill 66 deildinni þar sem hann endaði sem markahæsti leikmaður deildarinnar með 143 mörk í 15 leikjum.

Í fyrra lék hann bæði með Haukum og Haukum 2 í Olís og Grill66-deildinni en nú er ljóst að hann leikur með Víkingi í Olís-deildinni.

Jón Karl er ekki eini leikmaðurinn sem hefur fengið félagaskipti yfir til Víkings í dag því örvhenta skyttan, Elías Ingi Gíslason hefur fengið skipti yfir til félagsins frá HK.