Einn leikur fór fram í dönsku úrvalsdeildinni í kvöld þegar Íslendingalið TTH Holstebro tók á móti Sønderjyske. Leikurinn var sá síðasti í fjórðu umferðinni en Holstebro gat komið sér í fimmta sætið með sigri.

Það gekk því miður ekki eftir og þeir töpuðu óvænt með þremur mörkum eftir að hafa verið sex mörkum undir í hálfleik. Jóhannes Berg Andrason skoraði þrjú mörk úr fimm skotum en eftir leikinn eru Holstebro í níunda sætinu á meðan Sønderjyske fór upp fyrir Holstebro og sitja í áttunda sætinu.

GOG og Ribe-Esbjerg deila efsta sætinu með sjö stig hvor og eru einu taplausu liðin eftir fjórar umferðir.