Grænlenska landsliðskonan Ane-Sofiannguaq Petrine Frederiksen er gengin til liðs við Víking og hefur þegar leikið sinn fyrsta leik fyrir félagið í Grill 66-deild kvenna.

Frederiksen er fædd árið 2001 og verður 25 ára í október, leikur í hægra horni. Hún á að baki reynslu með grænlenska landsliðinu og var meðal annars í leikmannahópi Grænlands á heimsmeistaramótinu árið 2023.

Hún hefur einnig leikið í Danmörku en Frederiksen var á mála hjá Silkeborg-Voel áður en hún sneri aftur til Grænlands og lék með GSS.

Frederiksen fékk leikheimild með Víkingi á fimmtudaginn og var strax komin í leikmannahóp liðsins þegar Víkingur mætti Val 2 í 3. umferð Grill 66-deildarinnar á föstudaginn. Hún hefur æft með Víking frá því í ágúst en missti af tveimur fyrstu leikjum liðsins í Grill66-deildinni.

Hún skoraði eitt mark í frumraun sinni en Víkingur hafði betur gegn Val 2 en Víkingur er með fullt hús stiga eftir fyrstu þrjá leiki tímabilsins með sex stig eins og Afturelding.

View this post on Instagram

A post shared by Ane Sofiannguaq Frederiksen (@ane_sofiannguaqf)