Ásdís Þóra Ágústsdóttir, leikmaður Vals, hefur ekki leikið með liðinu í síðustu tveimur leikjum þess í Olís-deild kvenna vegna meiðsla aftan í læri.

Ásdís Þóra varð fyrir meiðslunum á æfingu í vikunni fyrir leik Vals gegn ÍBV og hefur síðan þurft að fylgjast með af hliðarlínunni.

„Hún fékk aftan í læri í vikunni fyrir ÍBV-leikinn og eftir nánari skoðun gat hún ekki tekið þátt í leikjunum við ÍBV né Hauka. Vonandi kemur hún inn sem fyrst,“ sagði Anton Rúnarsson, þjálfari Vals, í samtali við Handkastið.

Ásdís Þóra missti því bæði af leiknum gegn ÍBV og toppbaráttuslagnum gegn Haukum á Ásvöllum um síðustu helgi. Valur hafði betur gegn ÍBV en tapaði gegn Haukum 28-24. Valur er með tvö stig að loknum fyrstu þremur leikjunum.

Nú tekur við landsliðsvika og því verður ekkert leikið í Olís-deildinni í vikunni. Valskonur fá því nokkra daga til viðbótar áður en næsta verkefni tekur við. Valur mætir KA/Þór í 4. umferð Olís-deildarinnar 2. október og vonast Valsmenn til þess að Ásdís Þóra verði þá orðin leikfær á ný.