Þýski landsliðsmaðurinn Juri Knorr varð fyrir meiðslum undir lok bikarleiks Álaborgar gegn HØJ Elite í Danmörku í gærkvöldi.

Álaborg tryggði sér sæti í næstu umferð með 30-25 sigri en Knorr meiddist á ökkla í lokasókn Álaborgar í leiknum tók strax um ökklann. Knorr hefur verið að glíma við meiðsli á sama fæti og því voru meiðslin mikið áhyggjuefni fyrir Simon Dahl, þjálfara Álaborgar.

„Ég er helvíti þreyttur á þessu. Við vorum nánast komnir á leiðarenda með þennan fót og nú lítur út fyrir að hann hafi snúið sig aftur. Þetta pirrar mig virkilega,“ sagði Dahl við TV 2 Sport eftir leik.

Ekki liggur enn fyrir hversu alvarleg meiðsli Knorr eru og Álaborg hefur ekki gefið út frekari upplýsingar um ástand hans.