Hvíti Riddarinn og Grótta mættust í Powerade bikar karla í kvöld en leikið var í Mosfellsbæ og var þetta aldrei spennandi því Grótta var með yfirhöndina alllan leikinn og voru níu mörkum yfir í hálfleik 9-18. Grótta gaf ekkert eftir í síðari hálfleik og lönduðu átján marka sigri og lokatölur í Mosfellsbæ 22-40 og Grótta flýgur áfram í næstu umferð bikarkeppnarinnar.

Atkvæðamestir í liði Hvíta Riddarans voru Bjarki Lárusson og Valur Þorsteinsson báðir með fimm mörk. Atkvæðamestur í liði Gróttu var Sæþór Atlason en hann skoraði níu mörk. Ásgeir Bragi Bryde Þórðarson skoraði fimm og aðrir minna.