Stymmi Klippari mun í allan vetur spá í spilin og tippa á hvernig komandi umferð mun fara í Olís deildum karla og kvenna.

Hér að neðan má sjá hvernig hann telur að 5.umferð fari í Olís deild kvenna.

Grótta – KA/Þór (Föstudagur 19:30)  /  Sigurvegari: Grótta

Grótta að taka þriðja heimaleikinn í röð en þær hafa tapað síðustu tveim gegn liðum sem þær hefðu viljað fá eitthvað út úr. KA/Þór er ennþá í leit af fyrstu stigum tímabilsins og hugsa sér eflaust gott til glóðarinnar að sækja stigin 2 út á Seltjarnarnes. Ég held þó að biðin eftir fyrstu stigum tímabilsins verði lengri hjá Akureyringum og Grótta taka bæði stigin í fyrsta leik umferðarinnar.

ÍR– ÍBV (Laugardagur 13:00)  /  Sigurvegari: ÍBV

ÍR með fullt hús stiga eftir fyrstu fjórar umferðirnar fá alvöru próf þennan laugardaginn þegar ÍBV kemur í heimsókn. ÍBV verði á fínu róli eftir að hafa tapað gegn Val í 2.umferð og ég held að þær fari í Skógarselið á laugardaginn og verði fyrsta liðið í vetur til þess að vinna ÍR.

Haukar – Selfoss (Laugardagur 14:00)  /  Sigurvegari: Haukar

Heitasta lið landsins í kvennadeildinni eru Haukar og þar fer Jóhanna Margrét fremst í flokki meðan Selfoss hafa ekki ennþá náð að vinna leik eftir óvæntan sigur á Val í fyrstu umferð mótsins. Haukar og Jóhanna halda uppteknum hætti og munu vinna Selfoss á laugardaginn og aldrei að vitna nema Jóhanna Margrét verði enn einu sinni í liði umferðinnar hjá Handkastinu.

Fram –  Valur (Laugardagur 14:30)  /  Sigurvegari: Fram

Alvöru Reykjarvíkurslagur þar sem stórveldi síðustu ára mætast. Hafdís var meidd í síðasta leik Vals, verður hún með á laugardaginn? Ég ætla gefa mér að hún sé ennþá meidd þegar þessi spá er rituð og stelpurnar hans Halla Þorvarðar geri sér lítið fyrir og vinni Valsara og verði áfram á toppi deildarinnar með fullt hús stiga.

Stjarnan – HK (Sunnudagur 18:00)  /  Sigurvegari: Stjarnan

Lokaleikur umferðarinnar fer fram í Garðabænum á sunnudaginn. Ef HK ætla að koma sér á blað í vetur þá verða þær að sækja eitthvað í þessum leik gegn Stjörnunni. Hvorugt liðið má við því að tapa þessum leik og vilja Stjarnan skilja HK eftir á botni deildinnar og fjarlægast hann sjálfar. Ég held að Stjörnuliðið sé komið lengra með sitt lið og fari með sigur af hólmi á sunnudaginn.

1.umferð (4 réttir)
2.umferð (4 réttir)
3. umferð (4 réttir)
4.umferð (5 réttir)