Þýska stórliðið Flensburg-Handewitt hefur fengið góðar fréttir fyrir stórleikinn gegn Gummersbach í þýsku úrvalsdeildinni í dag en danski landsliðsmaðurinn Niclas Kirkeløkke er orðinn leikfær á ný eftir heilahristing.

Kirkeløkke hefur verið frá keppni að undanförnu vegna meiðslanna en hefur nú hafið fullar æfingar með liðinu og er klár í slaginn gegn Gummersbach. Hinn 32 ára gamli Kirkeløkke leikur í hægri skyttustöðunni og hefur verið mikilvægur hlekkur í liði Flensburg undanfarin ár.

Leikur Gummersbach og Flensburg hefst klukkan 17:00 í dag en um er að ræða lokaleik dagsins í þýsku Bundesligunni.

Gummersbach er í 10.sæti deildarinnar með átta stig að loknum átta leikjum en Flensburg er í 2.sæti deildarinnar með 17 stig, tveimur stigum á eftir toppliði Kiel en Flensburg á tvo leiki til góða á toppliðið.

Leikurinn er því gríðarlega mikilvægur fyrir bæði lið. Með Gummersbach leika Elliði Snær Viðarsson, Garðar Ingi Sindrason og Teitur Örn Einarsson.