Danski landsliðsmarkvörðurinn Emil Nielsen hefur vísað á bug orðrómi um að hann sé á leið til þýska stórliðsins SG Flensburg-Handewitt. Nielsen gekk til liðs við ungverska stórliðið Veszprém í sumar og segist einbeita sér alfarið að verkefnum sínum þar.

Undanfarið hafa verið uppi sögusagnir um að Emil Nielsen gæti verið á leið til Flensburg-Handewitt, en markvörðurinn segir ekkert hæft í þeim.

Í samtali við danska miðilinn TV 2 SPORT neitaði Nielsen því að hann ætti í viðræðum við þýska félagið.

„Ég lærði sannarlega ýmislegt þegar ég las þetta. Ég vissi ekki af þessu, svo nei, ég vil gjarnan vísa þessu á bug,“ sagði Nielsen brosandi.

Nielsen gekk til liðs við Veszprém í sumar og samdi við ungverska félagið til þriggja ára.

Hann segir því ekkert benda til þess að hann sé á förum frá félaginu á næstunni.

„Ég er með þriggja ára samning og það er þar sem ég er núna,“ sagði Nielsen við TV 2 SPORT.