Dregið var í 32-liða úrslit Evrópubikars kvenna í höfuðstöðvum evrópska handknattleikssambandsins í Vín í Austurríki í morgun.

Í pottinum voru bikarmeistarar Hauka en Selfoss féll úr leik í Evrópubikarnum um helgina eftir að hafa tapað samanlagt gegn gríska liðinu AEK Aþenu.

Haukar sátu hjá í fyrstu umferð og koma inn í keppnina í annarri umferð. Haukar drógust gegn spænska liðinu Costa del Sol Málaga. Spænska liðið mætti Val í sömu keppni á síðasta tímabili þar sem Valur sló liðið út í 16-liða úrslitum.

Fyrri leikur Vals og Málaga endaði með jafntefli á Spáni en Valsliðið hafði síðan betur á heimavelli 31-26. Valur urðu í kjölfarið Evrópubikarmeistarar.

Málaga er með sex stigu að loknum fjórum umferðum á Spáni en liðið sló út Dudelange frá Lúxembúrg í 1.umferðinni samanlagt 79-25. Málaga enduðu í 2.sæti spænsku deildarinnar á síðustu leiktíð tveimur stigum á eftir Guardes.

AEK Aþena sem sló út Selfoss í 1.umferðinni mætir Bursa Büyüksehir frá Tyrklandi í 2.umferðinni.

Drátturinn í heild sinni:
Costa del Sol Málaga - Haukar 
Slovan Duslo Sala – Zork Bor 
Erice – Kaerjeng 
Quintus – Iuventa Michalovce 
Westfriesland – Mlinotest Ajdovscina 
Jomi Salerno – Energa Start Elblag 
Atticgo Elche – Gjorche Petrov 
Bursa Büyüksehir - AEK Aþena 
Madx Wat Atzgersdorf – PAOK 
ZRK Split – Metalurg Avtokomanda 
Union Korneuburg – Hazena Kynzvart 
Gminy Kobierzyce – Sao Pedro do Sul 
Madeira – Istogu 
Cascada Garliava – Cabooter Fortes Venlo 
Byala - Balonmán Atlético Guardes 
Replasa Beti-Onak – Yellow Winterthur