Íslenska landsliðið hefur leik á Evrópumótinu í Kristianstad, föstudaginn 16.janúar þegar liðið mætir Ítalíu. Þar verður Haukur Þrastarson í eldlínunni með íslenska landsliðinu.

Haukur gekk í raðir þýska úrvalsdeildarliðsins, Rhein-Neckar Lowen eftir að hafa leikið bæði í Póllandi og Rúmeníu í töluvert lakari deildum síðustu tímabil.

,,Ég hef fundið mig ágætlega í nýju liði og í nýju landi og þetta hefur verið ágætt til að byrja með. Það tók smá tíma að venjast, nýtt umhverfi og sterkari deild en ég hef verið vanur að vera í. En það hefur gengið vel, ég hef fallið vel inn í liðið og kann mjög vel við mig hjá félaginu," sagði Haukur meðal annars í viðtali við Handkastið.

Haukur er stoðsendingahæsti leikmaður þýsku úrvalsdeildarinnar fyrir áramót og segja mætti að hann hafi verið að mata liðsfélaga sínum í Rhein Neckar Lowen á fyrri hluta tímabilsins.

Viðtalið í heild sinni við Hauk má sjá hér að neðan: