Hinn ungi og efnilegi línumaður ÍR í Olís-deild karla, Nathan Asare hefur framlengt samningi sínum við ÍR til ársins 2028. Þetta tilkynnti félagið á samfélagsmiðlum sínum í dag.

Nathan sem er fæddur árið 2006 og er þrátt fyrir ungan aldur á sínu þriðja tímabili í meistaraflokki hjá ÍR og hefur hlutverki hans farið stækkandi með hverju tímabilinu.

,,Hann hefur verið viðloðin yngri landslið Íslands undanfarin ár en við ÍR-ingar erum ánægðir með að Nathan haldi tryggð við heimahagana," segir í tilkynningunni frá ÍR.

ÍR er á botni Olís-deildarinnar eftir 15 umferðir en sjö umferðir eru eftir af deildinni sem fer aftur af stað í byrjun febrúar.