Þriðja umferðin á rúmlega viku hefst í kvöld í Olís-deild karla þegar 18.umferðin verður flautuð af stað með tveimur leikjum. Þrír leikir fara síðan fram annað kvöld og umferðin lýkur síðan á laugardag með stórleik Vals og KA í N1-höllinni.

Aron Pálmarsson mætir á hliðarlínuna í Kaplakrika í kvöld þegar FH fær Selfoss í heimsókn klukkan 19:00 og ÍBV fær Aftureldingu í heimsókn klukkan 19:30.

Athyglisverðasti leikur umferðarinnar fer fram í Kórnum á morgun þegar HK og Þór mætast. HK er í 10.sæti deildarinnar með 10 stig en Þór er í því 11. með 9 stig.

Handkastið hefur tekið saman 10 markahæstu leikmenn Olís-deildarinnar eftir 17 umferðir:

1. Baldur Fritz Bjarnason (ÍR) - 153 mörk
2. Bjarni Ófeigur Valdimarsson (KA) - 143 mörk
3. Hannes Höskuldsson (Selfoss) - 111 mörk
4. Árni Bragi Eyjólfsson (Afturelding) - 103 mörk
5. Bernard Kristján Darkoh (ÍR) - 102 mörk
6. Freyr Aronsson (Haukar) - 98 mörk
7. Brynjar Hólm Grétarsson (Þór) - 91 mörk
8. Jökull Blöndal Björnsson (ÍR) - 91 mörk
9. Símon Michael Guðjónsson (FH) - 90 mörk
10. Ágúst Guðmundsson (HK) - 86 mörk
11. Giorgi Dikhaminjia (KA) - 86 mörk