Það var mikil spenna á loka mínútunum í leik Hauka og ÍBV í öðrum leik liðanna í undanúrslitum Íslandsmótsins kvenna á Ásvöllum í dag. Haukar unnu fyrsta leik liðanna í Vestmannaeyjum í einvíginu en vinna þarf þrjá leiki til að tryggja sér sæti í úrslitaeinvíginu.

Kristrún Ósk Hlynsdóttir reyndist hetja ÍBV þegar hún skoraði sigurmark liðsins í leiknum í dag, lokatölur 28-29.

ÍBV JAFNAÐI EINVÍGIÐ EFTIR ÓTRÚLEGA ENDURKOMU

Haukar náðu mest sex marka forystu í seinni hálfleiknum í stöðunni 22-16 og allt benti til þess að Haukar færu með öruggan sigur af hólmi. En þá tók við ótrúlegur kafli Eyjakvenna sem unnu sig hægt og bítandi aftur inn í leikinn.

Rakel Oddný Guðmundsdóttir leikmaður Hauka mistókst hinsvegar að skora úr góðu færi úr vinstra horninu í lokasókn Hauka og það voru því gestirnir í ÍBV sem fengu tækifæri að gera útum leikinn í lokasókn leiksins. Birna Berg Haraldsdóttir fann Kristrúnu Ósk Hlynsdóttur á línunni sem skoraði framhjá Söru Sif Helgadóttur sem hafði átt frábæran leik fyrir Hauka í markinu.

Mark Kristrúnar reyndist sigurmark leiksins en hægt er að sjá sigurmarkið hér að neðan.