PSG tryggði sér franska meistaratitilinn í kvöld þegar þeir unnu Nantes í uppgjöri efstu liða deildarinnar.

Nantes byrjaði leikinn betur og voru einu marki yfir í hálfleik, 12-13.

Elohim Prandi leikmaður PSG var hins vegar á eldi í síðari hálfleik og var stór þáttur í því að PSG tryggði sér þriggja marka sigur, 34-31 og þar með franska meistaratitilinn þegar tvær umferðir eru eftir af frönsku deildinni.

Eins og áður sagði þá var Prandi markahæstur í liði PSG með 9 mörk en hjá Nantes var Noam Leopold markahæstur. Thibaut Briet nýjasti liðsmaður Magdeburg náði ekki að spila með Nantes í kvöld vegna meiðsla og munaði um minna.

PSG eru því búnir að vinna franska titilinn 12 sinnum í röð og 13 sinnum frá stofnun félagsins eru nú einungis einum titli frá því að jafna Montpellier.