Elmar Erlingsson átti góðan leik þegar HSG Nordhorn-Lingen gerði 31–31 jafntefli við HSC 2000 Coburg í þýsku B-deildinni í kvöld.

Coburg var tveimur mörkum yfir í hálfleik, 15–13, en Nordhorn-Lingen vann sig aftur inn í leikinn eftir hlé. Heimamenn náðu að jafna metin og liðin þurftu að sættast á sitt hvort stigið.

Elmar var öflugur í sóknarleik Nordhorn-Lingen. Hann skoraði fimm mörk og gaf sex stoðsendingar og kom því með beinum hætti að ellefu af 31 marki liðsins í leiknum.

Leikurinn var hluti af 4. umferð þýsku B-deildarinnar en Nordhorn Lingen er í 6.sæti deildarinnar með fimm stig en dregin verða hinsvegar af þeim sex stig þegar mótinu lýkur.

Elmar Erlings og félagar byrjar tímabilið með mínus sex stig