Milliriðlar Meistaradeildar Evrópu karla hefst í dag. Tólf lið eru eftir í keppninni og fram undan er barátta um átta sæti í átta liða úrslitum. Liðin hefja hins vegar ekki öll leik á sama stað enda fylgja úrslit úr riðlakeppninni þeim áfram. Breytt mótafyrirkomulag tók gildi í haust þegar 24 lið hófu keppni í sex fjögurra liða riðlum. Tvö efstu lið hvers riðils komust áfram í milliriðla en liðin í þriðja og fjórða sæti færðust yfir í umspil Evrópudeildarinnar. Nú hefur liðunum tólf verið skipt í tvo sex liða milliriðla. Úrslit innbyrðis leikja liðanna sem fóru saman áfram úr hverjum riðli telja áfram. Þau mætast því ekki aftur í milliriðlunum heldur leikur hvert lið heima og að heiman við hina fjóra mótherjana. Átta leikir bíða þannig hvers liðs og lýkur milliriðlunum 3. og 4. mars. Veszprém stendur vel að vígi eftir riðlakeppnina með fjögur stig en PSG hefja leik með þrjú stig. Álaborg tekur eitt stig með sér og Füchse Berlín ekkert. Bæði lið léku í undanúrslitum keppninnar á síðustu leiktíð. Í hinum riðlinum er skýr skipting þar sem Barcelona, Sporting og Magdeburg byrja með fjögur stig hvert en hin liðin þrjú eru án stiga. Staðan í milliriðli I fyrir fyrstu umferð Staðan í milliriðli II fyrir fyrstu umferð Fjögur efstu lið hvors milliriðils komast í átta liða úrslit. Fimmta sætið veitir áframhaldandi þátttöku í Evrópudeildinni, en þau færast yfir í 16 liða úrslit Evrópudeildarinnar. Í átta liða úrslitunum verður leikið heima og að heiman á tímabilinu 24. mars til 1. apríl. Sigurvegarar einvígjanna fjögurra tryggja sér sæti á úrslitahelginni í Köln þar sem undanúrslit og úrslitaleikur fara fram 12. og 13. júní 2027. Milliriðlarnir hefjast með viðureign Álaborgar og Füchse Berlín í dag klukkan 17:45. Síðar í kvöld tekur Wisła Płock á móti Veszprém. Hinir fjórir leikir 1. umferðar fara fram á morgun þegar Melsungen fær PSG í heimsókn, GOG mætir Magdeburg, Kielce tekur á móti Barcelona og Sporting fær Dinamo Búkarest til sín.Sæti Lið Stig 1. Veszprém 4 2. PSG 3 3. Melsungen 2 4. Wisła Płock 2 5. Álaborg 1 6. Füchse Berlín 0 Sæti Lið Stig 1. Barcelona 4 2. Sporting 4 3. Magdeburg 4 4. Kielce 0 5. GOG 0 6. Dinamo Búkarest 0

Handkastið er hlaðvarpsþáttur og fréttamiðill um íslenskan og erlendan handbolta.
Ritstjórar eru Arnar Daði Arnarsson og Styrmir Sigurðsson.