Valur hefur unnið báða heimaleiki sína í riðlakeppni Evrópudeildar karla á þessu tímabili. Valur vann 38-34 sigur á ungverska liðinu Tatabánya á Hlíðarenda í gær en í 1.umferðinni vann liðið ellefu marka sigur á danska liðinu, Mors Thy.

Valur hefur þrívegis tekið þátt í riðlakeppni Evrópudeildarinnar á síðustu fimm árum, tímabilin 2022/23, 2024/25 og nú í vetur. Á þeim tíma hefur liðið leikið tíu heimaleiki, unnið fimm þeirra, gert tvö jafntefli og tapað þremur.

Síðasta tap Vals á heimavelli í riðlakeppninni kom gegn þýska liðinu Melsungen haustið 2024 þegar gestirnir höfðu betur, 33-28. Í kjölfarið gerðu Valsmenn 34-34 jafntefli gegn Vardar frá Norður-Makedóníu í síðasta heimaleik sínum það tímabil.

Á yfirstandandi tímabili hafa Valsmenn hins vegar unnið báða heimaleiki sína. Fyrst vann liðið ellefu marka stórsigur á danska liðinu Mors-Thy, 39-28, áður en fjögurra marka sigur á Tatabánya bættist við í gær.

Valur er nú með fjögur stig eftir fyrstu þrjá leiki sína í H-riðli Evrópudeildarinnar og er í góðri stöðu í baráttunni um að komast áfram úr riðlinum.

Heimaleikir Vals í riðlakeppni Evrópudeildarinnar síðustu fimm ár:

2022/23

• Valur – FTC 43-39
• Valur – Flensburg 32-37
• Valur – Ystads IF 29-32
• Valur – Benidorm 35-29
• Valur – PAUC 40-31

2024/25

• Valur – Porto 27-27
• Valur – Melsungen 28-33
• Valur – Vardar 34-34

2026/27

• Valur – Mors-Thy 39-28
• Valur – Tatabánya 38-34