Ágreiningur er kominn upp í dönskum handbolta eftir að tilkynnt var um nýjan aðalstyrktaraðila dönsku úrvalsdeildarinnar. Danska handknattleikssambandið er ósátt við að veðmálafyrirtækið Betoro hafi gert þriggja ára samning um að verða nafnastyrktaraðili deildarinnar.

Torsten Laen, formaður danska handknattleikssambandsins, gagnrýndi samninginn í samtali við danska fjölmiðla og sagði hann ekki samræmast stefnu sambandsins.

DANSKA ÚRVALSDEILDIN FÆR NÝTT NAFN – VEÐMÁLAFYRIRTÆKI TEKUR VIÐ

Danska handknattleikssambandið hefur tekið skýra afstöðu gegn samstarfi við veðmálafyrirtæki og vill ekki að slík fyrirtæki séu áberandi í markaðssetningu íþróttarinnar.

Laen viðurkennir þó að úrvalsdeildarfélögin séu sjálfstæðar rekstrareiningar og hafi því heimild til að gera eigin styrktarsamninga. Sambandið hafi hins vegar enga aðkomu að samningnum og styðji hann ekki.

Með samningnum verður Betoro aðalstyrktaraðili dönsku úrvalsdeildarinnar næstu þrjú árin og nafn fyrirtækisins verður hluti af heiti úrvalsdeildarinnar.

Málið hefur vakið athygli í Danmörku enda er óvenjulegt að handknattleikssambandið og félögin í efstu deild séu ósammála um svo stóran styrktarsamning.