Handkastið hefur verið leiðandi í umfjöllun um íslenskan handbolta síðustu ár og nú fer að styttast í að tímabilið hér heima fari af stað. Handkastið heldur úti tveimur hlaðvarpsþáttum í viku þegar tímabilið er í gangi auk þess að fjalla vel og ítarlega um allt sem tengist íslenska boltanum hér á vefnum.

Olís-deild karla hefst miðvikudaginn 3.september en þangað til ætlar Handkastið að hita upp fyrir deildina og fjalla um öll liðin í deildinni.

Í dag er 17 dagar þangað til Olís-deild karla hefst og því löngu orðið tímabært að kynna sér liðin í deildinni. Í dag förum við yfir lið Stjörnunnar.

Mikil meiðsli vandræði hjá liðinu í fyrra. Stjarnan náði varla að stilla upp sama byrjunarliðinu í tvo leiki í röð. Áttu virkilega góða bikarkeppni þar sem þeir komust alla leið í úrslit en töpuðu gegn Fram. Þessi meiðsli urðu þó til þess að Ísak Logi sprakk út sem leikmaður og mun vera í stærra hlutverki í ár. Árangurinn heilt yfir ásættanlegur en Stjarnan mun vilja gera talsvert betur í ár og hefur hópinn til þess.

Þjálfarinn:
Hrannar tók við liði Stjörnunnar í upphafi tímabils 2023/2024. Hann er því að fara á sitt þriðja tímabil með liðið.

Breytingar:
Litlar breytingar hafa orðið á liði Stjörnunnar frá síðustu leiktíð. Þrír leikmenn inn og fimm leikmenn farið sem allir voru í litlu hlutverki á síðustu leiktíð.

Lykilmenn:
Adam Thorstensen, Tandri Már Konráðsson, Ísak Logi Einarsson

Fylgist með:
Ungverjinn, Rea Barnabas var fenginn til félagsins á láni frá ungverska stórliðinu Pick-Szeged. Það verður fróðlegt að sjá hann spjara sig í deild þeirra bestu á Íslandi. Erlendir leikmenn í Olís-deildinni hafa oft verið lengi að finna taktinn og jafnvel ná aldrei að sýna sitt rétta andlit. Það verður verkefni þjálfarateymis Stjörnunnar að finna lausnin til að koma Ungverjanum inn í leikfræði liðsins.

Framtíðin:
Matthías Dagur Þorsteinsson er örvhent skytta sem einnig getur leyst horn sem er hluti af gríðarlega sterkur 2008 landsliði Íslands. Fékk tækifæri á síðustu leiktíð vegna fjarveru Starra. Það verður fróðlegt að sjá hvort hann fái fleiri tækifæri á komandi tímabili en með tilkomu Gauta Gunnarssonar í hægra hornið gætu tækifærin orðið á skornum skammti.

Við hverju má búast:
Stjarnan hefur misst einna minnst af liðunum frá því í fyrra og bætt í hópinn með að fá Gauta Gunnars og Rea til liðs við sig. Stjarnan ætti að setja stefnuna á því að vera í efstu fjórum sætunum í ár og vinna einvígi í úrslitakeppninni í fyrsta skipti í sögu félagsins. Þeir hafa svo verið áskrifendur af Final4 undanfarin ár svo þeir hljóta að setja stefnuna á Ásvelli aftur.

Sjá einnig:
Umfjöllun um karlalið FH
Umfjöllun um karlalið Hauka
Umfjöllun um karlalið HK