Handkastið hefur verið leiðandi í umfjöllun um íslenskan handbolta síðustu ár og nú fer að styttast í að tímabilið hér heima fari af stað. Handkastið heldur úti tveimur hlaðvarpsþáttum í viku þegar tímabilið er í gangi auk þess að fjalla vel og ítarlega um allt sem tengist íslenska boltanum hér á vefnum.

Olís-deild karla hefst miðvikudaginn 3.september en þangað til ætlar Handkastið að hita upp fyrir deildina og fjalla um öll liðin í deildinni.

Í dag er 15 dagar þangað til Olís-deild karal hefst og því löngu orðið tímabært að kynna sér liðin í deildinni. Í dag förum við yfir lið Fram.

Íslands- og bikarmeistarar Fram áttu frábært tímabil í fyrra. Fóru fram úr öllum öllum væntingum þegar þeir unnu tvo stærstu titlana sem voru í boði. Reynir Þór Stefánsson var lykilmaður í liði Fram í fyrra en hann er nú horfinn á braut og genginn til liðs við Melsungen. Hægur tröppugangur hefur verið á liði Fram frá því að Einar Jónsson tók við liðinu.

Þjálfarinn:
Einar Jónsson er búinn að vera lengi með liðið og náði frábærum árangri á síðustu leiktíð. Hann hefur misst  virkilega sterka pósta fyrir tímabilið og verður spennandi að sjá hvernig liðið mun koma til leiks í ár. Vandasamt verkefni framundan hjá Einari.

Breytingar:
Missa besta leikmann deildarinnar í fyrra þegar Reynir Þór Stefánsson gekk í raðir Melsungen. Engin leið að bæta þann missi upp á einu sumri. Tryggvi Garðar einnig farinn en hann var gífurlegar mikilvægur í hjarta varnarinnar og þá hefur Þorsteinn Gauti Hjálmarsson einnig farið í atvinnumennsku. Fram hafa krækt í Danjal Ragnarsson á láni frá Neistanum í Færeyjum. Þá er óvissa með þátttöku fyrirliðans, Magnúsar Öders sem er samningslaus.

Lykilmenn:
Rúnar Kárason, Breki Hrafn Árnason, Dagur Fannar Möller

Fylgist með:
Marel Baldvinsson mun fá miklu stærra hlutverk sóknarlega eftir að Reynir Þór fór og mun mikið mæða á honum í vetur. Tók mörg og stór skref á síðustu leiktíð og gæti stimplað sig heldur betur inn á þessu tímabili haldi hann áfram að bæta og þróa sinn leik.

Framtíðin:
Kristófer Tómas Gíslason er stór og stæðilegur línumaður sem fékk aðeins að snerta parketið í liði Fram á síðustu leiktíð. Sökum brothvarfs lykil varnarmanna í liði Fram þá ættu tækifæri Kristófers að fjölga í vetur en hann er hluti af gríðarlega sterku 2008 landsliði Íslands sem vann til gullverðlauna á Ólympíuhátið æskunnar í sumar.

Við hverju má búast:
Fram má ekki gera sér vonir um að verja alla titla síðan á síðasta tímabili. Skarð Reynis Þórs verður ekki fyllt svo auðveldlega. Þeir munu taka þátt í Evrópudeildinni þannig álagið mun aukast á leikmannahópum svo Frammarar mega búast við skemmtilegum vetri í Úlfarsárdalnum en gæti endað um miðja deild þetta árið.

Sjá einnig:
Umfjöllun um kvennalið Hauka
Umfjöllun um karlalið Stjörnunnar
Umfjöllun um karlalið FH
Umfjöllun um karlalið Hauka
Umfjöllun um karlalið HK