Samkvæmt heimildum Handkastsins verður kveðjuleikur Arons Pálmarssonar sýndur í beinni útsendingu á aðalrás Símans á morgun.

Mikið verður um dýrðir í Kaplakrika þegar ungverska stórveldið Veszprem leikur gegn FH annað kvöld klukkan 18:30. Bjarki Már Elísson er mættur ásamt liðsfélögum sínum til þess að taka þátt í kveðjuleik til heiðurs Arons Pálmarssonar.

Það er því mikið gleðiefni að tilkynna þeim sem komast ekki í Kaplakrika að kveðja Aron að þeir geta fylgst með leiknum í beinni útsendingu á aðalrás Símans í opinni dagskrá.

Það liggur ekki fyrir hvenær útsending hefst en eins og áður segir byrjar leikurinn klukkan 18:30. Samkvæmt heimildum Handkastsins er von á fréttatilkynningu frá Símanum þess efnis síðar í dag.