Dregið verður í 32 liða úrslit Powerade bikarkeppni karla í hádeginu á morgun í höfuðstöðvum HSÍ. Drátturinn verður í beinu streymi á youtube rás HSÍ og hefst hann kl 14:30.

Alls eru 18 lið skráð í Powerade bikarkeppni HSÍ en ÍBV 2 er eina liðið sem er skráð í bikarkeppnina sem ekki leikur í deildarkeppni HSÍ.

Athygli vekur að hvorki Vængir Júpíters, Hvíti Riddarinn né ÍH eru skráð til leiks í bikarkeppnina að þessu sinni.

Þau lið sem eru skráð í Powerade-bikarkeppnina tímabilið 2025/2026:

Aftuelding, FH, Fjölnir, Fram, Grótta, Haukar, HK, Hörður, ÍBV, ÍBV 2, ÍR, KA, Selfoss, Stjarnan, Valur, Víðir, Víkingur, Þór.

Í pottinum fyrir 32 liða úrslit eru aðeins þau lið sem spila ekki í Olís deild karla.

Fjölnir, Grótta, Hörður, ÍBV 2, Víðir og Víkingur.

Dregið verður í tvær viðureignir og þau tvö lið sem eftir eru í pottinum sitja hjá í 32 liða úrslit. Leikdagar fyrir 32 liða úrslit karla eru 15 og 16 september.