Valur 2 hafði betur gegn Haukum 2 í 2.umferð Grill66-deildarinnar fyrr í dag 29-27 en bæði lið töpuðu sínum leikjum í 1.umferðinni. Haukar 2 voru fimm mörkum yfir í hálfleik 15-10.

Gunnar Róbertsson var markahæsti leikmaður Vals 2 með níu mörk og Logi Finnsson skoraði átta. Hjá Haukum 2 var Helgi Marínó Kristófersson lang markahæstur með 11 mörk.

Haukar höfðu forystu lengi vel í leiknum og voru meðal annars 24-18 yfir þegar rúmlega tíu mínútur voru eftir af leiknum.

Jafnt var í leiknum í stöðunni 26-26 en Valur 2 reyndust sterkari aðilinn á loka mínútum leiksins. 

2.umferðin klárast síðar í dag með tveimur leikjum.

Leikir dagsins í Grill66-deild karla:

15:30 Selfoss 2 - HBH
16:00 Hörður - ÍH

Úrslitin í 2.umferðinni:

Valur 2 - Haukar 2 29-27
HK 2 - Grótta 26-33
Víkingur - Fjölnir 32-32
Hvíti Riddarinn - Fram 2 27-28