Færeyingurinn, Dánjal Ragnarsson varð fyrir því óhappi að meiðast í leik Fram og Víking í 16-liða úrslitum Powerade-bikarsins í byrjun vikunnar. Það var Handbolti.is sem greindi frá fyrr í vikunni.

Fram tekur á móti KA í 6.umferð deildarinnar í kvöld í lokaleik umferðarinnar og má gera fastlega ráð fyrir því að Dánjal verði ekki með í þeim leik.

Einar Jónsson þjálfari Fram staðfesti í samtali við Handbolta.is að hafi tognað á nára í leiknum.

Mikið álag er framundan á liði Fram þar sem strax á þriðjudaginn í næstu viku mætir liðið Porto frá Portúgal í Úlfarsárdalnum í 1.umferð Evrópudeildarinnar á heimavelli.

Fram fékk Þorstein Gauta Hjálmarsson til liðsins í byrjun vikunnar og lék hann sinn fyrsta leik gegn Víking í bikarnum á mánudaginn. Hans fyrsti leikur með Fram á þessu tímabili í Olís-deildinni verður sennilega í kvöld gegn KA.

Fram hefur tapað síðustu þremur leikjum sínum í deildinni og þurfa nauðsynlega á sigri að halda á heimavelli í kvöld.

_{Hress styður umfjöllun Handkastsins um Þjóðaríþróttina - Í tilefni af þess fá allir hlustendur og lesendur Handkastsins 2 fyrir 1 af öllum boozt á Hressbarnum út október. Hress er staðsett á Dalshrauni 11 í Hafnarfirði. Verði ykkur að góðu.}