Tveir leikir áttu sér stað í gær í 14.umferð þýsku úrvalsdeildarinnar, þar sem tveir spennandi leikir fóru fram og var aðeins einn íslendingur var í eldlínunni.

Fyrri leikur dagsins fór fram í PSD Bank Nürnberg ARENA heimavelli Erlangan þar sem þeir tóku á móti Stuttgart. Stuttgart byrjuðu leikinn betur og fóru með gott forskot inn til búningsklefa þar sem þeir leiddu 5–10 í hálfleik. Erlangan svaraði vel í seinni hálfleik, bætti vörnina og fór að skora og koma sér inn í leikinn. Munurinn minnkaði jafnt og þétt og undir lokin var leikurinn æsispennandi þar sem það endaði með því að Andri Már Rúnarsson jafnaði fyrir heimamenn þegar sex sekúndur voru eftir og tryggði Erlangan stigið. Lokatölur voru 24-24. Andri Már skoraði 7 mörk í leiknum auk þess að hafa gefið 2 stoðsendingar. Kai Häfner var atkvæðamestur hjá Stuttgart með 8 mörk og tvær stoðsendingar.

Seinni leikur dagsins var þegar Eisenach bauð Kiel í heimsókn í Werner-Aßmann-Halle. Leikurinn var jafn og spennandi nánast frá fyrstu mínútu. Kiel voru þó skrefi á undan framan af og leiddi 12–14 í hálfleik. Í seinni hálfleik jókst hraðinn og liðin skiptust á að vera yfir, án þess að nokkurt þeirra næði að stinga af. Undir lokin var spennan mikil og fengu bæði lið fengu tækifæri á því að tryggja sér sigur, en að lokum endaði leikurinn í sanngjörnu 27–27 jafntefli eftir hörkuleik frá upphafi til enda. Atkvæðamesti leikmaður Eisenach var Felix Aellen með 5 mörk og gaf 4 stoðsendingar. Atkvæðamesti leikmaður Kiel var Lukas Zerbe með 7 mörk.

Úrslit dagsins:

Erlangan-Stuttgart 24-24

Eisenach-Kiel 27-27