Ágúst Þór Jóhannsson þjálfari karlalið Vals var valinn þjálfari ársins af íþróttafréttamönnum nú rétt í þessu.

Ágúst Þór varð Evrópumeistari, Íslandsmeistari og Deildarmeistari með kvennaliði Vals á síðasta ári sem var einmitt valið lið ársins nú fyrir stundu.

Undir stjórn Ágústs Þórs vann kvennalið Vals 41 leik í röð og báru höfuð og herðar yfir önnur kvennalið á landinu undanfarin ár.

Ágúst Þór hætti með kvennalið Vals í vor en fór þó ekki langt því hann tók við karlaliði Vals og situr með þá á toppi Olísdeildarinnar nú um áramótin.

Dagur Sigurðsson landsliðsþjálfari Króata og Heimir Hallgrímsson landsliðsþjálfari Íra í fótbolta voru í sætunum á eftir Ágústi í valinu í kvöld.