Í dag mættust HBH og Hörður í lokaleik Grill 66 deildarinnar en spilað var í Eyjum. Þessi leikur var marg frestaður en loksins tókst að finna dag- og tímasetningu á leiknum.

Harðverjar mættu mun ákveðnari og sterkari til leiks og eftir korters leik var staðan 9-11 fyrir gestina frá Ísafirði. Áfram héldu Harðverjar í forskotið og var munurinn yfirleitt 2-4 mörk út allan fyrri hálfleikinn. Þeir einfaldlega einu skrefi framar. Staðan í hálfleik var 17-20 fyrir gestina.

Eyjapeyjarnir mættu virkilega grimmir til leiks í seinni hálfleik og voru fljótir að jafna í 20-20 eftir nokkrar mínútna leik. Leikurinn var jafn fyrsta korterið í seinni hálfleik en þá fór að skilja að á milli liðanna og Harðverjar náðu aftur upp forskotinu sem þeir höfðu í fyrri hálfleiknum. Fór það svo að lokatölur leiksins urðu 31-35 fyrir Ísfirðingana í Herði.

Hjá HBH var Hinrik Hugi Heiðarsson markahæstur með 8 mörk. Markvarslan hjá Helga Þór og Gabríel Ara skilaði 14 boltum.

Hjá Herði var Jose Neto markahæstur með 9 mörk. Stefán Freyr og Hermann Alexander vörðu 12 skot.