HK hefur samið við Jovan Kukobat um að taka að sér markmannsþjálfun hjá félaginu.

Jovan hefur leikið með Akureyri, KA, Þór Akureyri, Víking, Aftureldingu og HK hér á landi. Auk þess hefur hann verið að sinna markmannsþjálfun yngri flokka hjá sumum félaga sem hann hefur leikið með.

Jovan hefur jafnframt komið að verkefnum á vegum HSÍ. Í sumar var Jovan hluti af þjálfarateymi íslenska U20-landsliðsins á heimsmeistaramótinu.

"Það er okkur mikið ánægjuefni að halda Jovan innan raða HK og fá hans reynslu, þekkingu og metnað áfram inn í starfið" segir í tilkynningu frá HK.