Handkastið hefur verið leiðandi í umfjöllun um íslenskan handbolta síðustu ár og nú fer að styttast í að tímabilið hér heima fari af stað. Handkastið heldur úti tveimur hlaðvarpsþáttum í viku þegar tímabilið er í gangi auk þess að fjalla vel og ítarlega um allt sem tengist íslenska boltanum hér á vefnum.

Olís-deild kvenna hefst í byrjun september en þangað til ætlar Handkastið að hita upp fyrir deildina og fjalla um öll liðin í deildinni.

Í dag förum við yfir kvennalið Hauka.

Síðasta tímabil:
Eftir að hafa sótt langþráðan titil á þar síðasta tímabili var mikil eftirvænting í Hafnarfirðinum fyrir síðustu leiktíð. Haukar styrktu sig vel fyrir tímabilið og spáðu því margir að liðið gæti keppt við Hauka um alla titla tímabilsins. Annað kom hinsvegar á daginn. Liði var aldrei nálægt toppbaráttu í deildinni, tapaði í úrslitaleik gegn Val í bikarkeppninni og tapaði síðan í undanúrslitum Íslandsmótsins gegn ÍBV. Niðurstaða síðasta tímabil voru vonbrigði í Hafnarfirðinum og nú þarf að rétta skútuna við.

Þjálfarinn:
Stefán Arnarson er að fara inn í sitt fjórða tímabil með liðið. Díana Guðjónsdóttir er horfin af braut og Rut Arnfjörð Jónsdóttir er orðin aðstoðarþjálfari liðsins.

Breytingar:
Annað sumarið í röð hafa Haukar bætt við sig öflugum leikmönnum og styrkt ákveðnar stöður á vellinum. Leikmannahópurinn er ekki stór en hann er með mikla reynslu og margir leikmenn sem gera tilkall í að vera í byrjunarliðinu. Eftir að Rut Jónsdóttir varð ólétt í upphafi síðasta tímabils lék liðið með rétthendan leikmann í hægri skyttunni í fyrra. Nú verður breyting á og hefur liðið sótt tvo örvhenta leikmenn heim frá Noregi og Svíþjóð.

Lykilmenn:
Jóhanna Margrét Sigurðardóttir, Berta Rut Harðardótir, Sara Sif Helgadóttir

Fylgist með:
Hin örvhenta, Þóra Björg Stefánsdóttir er uppalin í Vestmannaeyjum en hefur leikið í Noregi undanfarin ár. Það kom mörgum á óvart þegar hún var tilkynnt sem nýr leikmaður Hauka og hún gæti gefið Hauka liðinu auka breidd í leik liðsins.

Framtíðin:
Roksana Jaros er hörku línumaður í U18 ára landsliði Íslands, sterkur varnarmaður en bíður enn eftir að fá alvöru eða jafnvel einhver tækifæri með Haukum í Olís-deildinni. Nú hlýtur að vera komið að því að unglingalandsliðsleikmaðurinn fái að spreyta sig hjá uppeldisfélaginu og láti til sín taka bæði varnar- og sóknarlega.

Við hverju má búast:
Eftir að hafa tekið nokkur hænuskref fram á við síðustu ár var síðasta tímabil vonbrigði. Haukar er eitt af fáum liðum deildarinnar sem hafa styrkt sig frá síðustu leiktíð. Haukar hljóta að stefna á alla þá titla sem í boði eru og það er ekkert annað í kortunum en að það gerist. Það er mikil pressa á liðinu fyrir komandi tímabil eftir að hafa fallið á prófinu á síðustu leiktíð.

Sjá einnig:
Umfjöllun um kvennalið Vals
Umfjöllun um kvennalið KA/Þórs
Umfjöllun um karlalið Selfoss
Umfjöllun um karlalið Víkings
Umfjöllun um karlalið Þórs
Umfjöllun um karlalið Aftureldingar
Umfjöllun um karlalið Vals
Umfjöllun um kvennalið ÍR