Í dag mættust Hörður og ÍR í Grill 66 deild karla í íþróttahúsinu á Torfnesi.

Þónokkurt jafnræði var með liðunum næstum allan fyrri hálfleikinn. En ÍR-ingar alltaf einu skrefi á undan.

Staðan í hálfleik var 12-16 fyrir gestina úr Breiðholti.

Í seinni hálfleik tóku ÍR-ingar öll völd á leiknum og juku muninn jafnt og þétt. Sigurinn var aldrei í hættu og urðu lokatölur 22-34 fyrir ÍR-inga.

Hjá ÍR var Örn Kolur Kjartansson markahæstur með 8 mörk. Alexander Ásgrímsson varði 11 skot.

Hjá Herði var Jose Neto markahæstur með 5 mörk. Hermann Alexander og Lazar Minic vörðu samtals 12 skot.