Fram og Þór mættust í fyrstu umferð Olís deildar karla í Úlfarsárdalnum í leik sem var að klárast. Gestirnir skoruðu fyrstu tvö mörk leiksins en þá kveiktu heimamenn á sér og var staðan í hálfleik 17-14 fyrir Fram. Fram gaf ekki eftir í síðari hálfleiknum og landaði fyrsta sigri tímabilsins með fjórum mörkum 38-34.

Atkvæðamestur í liði Fram var Haukur Ingi Hauksson með sjö mörk. Ívar Logi Styrmisson og Max Emil Stenlund skoruðu sex mörk og aðrir minna.

Þórður Tandri Ágústsson var atkvæðamestur í liði Þórs með átta mörk. Hafþór Már Vignisson skoraði sjö mörk. Einn af nýju dönunum sem Þórsarar fengu, Bertram Simonsen skoraði sex mörk.