Íslensku stelpurnar þurftu að sætta sig við eins marks tap gegn Serbíu í 2.umferð riðlakeppni heimsmeistaramótsins sem fram fer í Þýskalandi og Hollandi. Íslenska liðið fékk tækifæri til að jafna metin í lokasókninni en Jovana Risovic varði lokaskot leiksins frá Þóreyju Önnu Ásgeirsdóttur.

Lokatölur 27-26 eftir ótrúlega hálf endurkomu íslenska liðsins sem mest voru lentar sjö mörkum undir í seinni hálfleik í stöðunni 24-17.

Þá tók hinsvegar við ótrúlegur kafli þökk sé Hafdísi Renötudóttir sem varla hafði varið skot til þessa en hún varði alls tíu skot á síðustu 15 mínútum leiksins og gjörsamlega lokaði rammanum. Íslensku stelpurnar fengu við það aukin kraft sem þær nýttu sér sóknarlega og fengu í tvígang tækifæri til að jafna metin en klúðru tveimur dauðafærum.

Fyrst var það Dana Björg Guðmundsdóttir sem klikkaði hraðarupphlaupi í stöðunni 25-24 og síðan Þórey Anna Ásgeirsdóttir rétt fyrir leikslok í stöðunni 27-26. Þórey Anna hafði einnig klikkað færi úr hægra horninu í stöðunni 27-25.

Það var allt annað lið Íslands sem mætti til leiks varnarlega í seinni hálfleik þar sem Katrín Tinna Jensdóttir stóð vaktina vel en staðan var 19-13 Serbum í vil í hálfleik.

Sorgleg niðurstaða eftir ótrúlegan seinni hálfleik og íslensku stelpurnar áttu heldur betur skilið að minnsta kosti eitt stig úr þessum leik.

Sandra Erlingsdóttir og Elín Klara Þorkelsdóttir voru markahæstar í liði Íslands með fimm mörk. Þórey Anna Ásgeirsdóttir kom næst með fjögur mörk.

Lokaleikur liðsins í riðlakeppninni fer fram á sunnudaginn þegar stigalausu liðin í riðlinum, Íslands og Úrúgvæ mætast í úrslitaleik um það hvort liðið fer áfram í milliriðil.