Þýsku meistararnir í SC Magdeburg töpuðu sínum fyrsta leik á tímabilinu gegn MT Melsungen í síðustu umferð. Það er hins vegar orðið ansi langt síðan Bennet Wiegert og lærisveinar hans þurftu síðast að sætta sig við tap á heimavelli í Bundesligunni.

Magdeburg tapaði 37-34 á útivelli gegn MT Melsungen í síðustu umferð og var það fyrsta tap liðsins á tímabilinu.

Heimavöllurinn í Getec Arena hefur hins vegar reynst allt annað en auðveldur viðureignar fyrir gestaliðin.

Magdeburg tapaði ekki einum einasta heimaleik í Bundesligunni á öllu síðasta tímabili. Liðið vann alla heimaleiki sína nema einn, þegar THW Kiel náði 26-26 jafntefli rétt fyrir jól.

Fara þarf aftur til 21. mars 2025 til að finna síðasta heimaleik Magdeburg í Bundesligunni sem endaði með tapi.

Þá kom Füchse Berlin í heimsókn og vann 33-30 sigur á Magdeburg. Síðan þá hefur lið Bennet Wiegert leikið 26 heimaleiki í röð í Bundesligunni án þess að tapa. Meira en eitt og hálft ár er því liðið frá því að Magdeburg tapaði síðast deildarleik fyrir framan eigin stuðningsmenn.