Óvæntur sigur Selfoss 2 á Fjölni í fyrstu umferð í Grill66 deild karla á Selfossi síðasta laugardag á örugglega eftir að draga dilk á eftir sér.

Selfoss 2 var með unnin leik, og innan við 30 sekúndur eftir af leiknum þegar Selfoss 2 er með boltann og í sókn.

Fjölnismenn pressuðu aðeins á Selfoss 2 sem höfðu sennilega hugsað sér að drepa tímann, enda leikurinn unninn.

Aron Breki Oddnýarson hafði engan áhuga á því og tók upp á því í staðinn að brjóta harkalega á Hákoni Garra Gestsyni leikmanni Selfoss 2. Ekki nóg með að hann keyri hann utan í vegg, heldur slær Aron til Hákons. Aron uppskar verðskuldað rautt + blátt spjald frá dómurum leiksins, Herði Aðalsteinssyni og Berki Bóassyni.

Handkastið fékk senda upptöku af atvikinu. Ljóst er að Aron Breki Oddnýarson er á leiðinni í leikbann. Spurningin er aðeins hvað bannið verður langt.

Sjón er eins og alltaf sögu ríkari.

Handkastið óskar eftir öllum ábendingum um fréttir sem tengjast íslenskum og erlendum handbolta.