Stymmi Klippari mun í allan vetur spá í spilin og tippa á hvernig komandi umferð mun fara í Olís deildum karla og kvenna.

Hér að neðan má sjá hvernig hann telur að 2.umferð fari í Olís deild karla.

ÍR – Selfoss (Fimmtudagur 18:30) / Sigurvegari: ÍR

Bæði lið töpuðu í 1.umferð en Selfoss eflaust ánægðari með frammistöðu sína. Mæta Selfyssingar til leiks með nýjan markmann? Hver er staðan á Bernard? ÍR-ingar munu mæta dýrvitlausir í þennan leik og senda skilaboð að Skógarselið verður gryfja í vetur.

HK – Afturelding (Fimmtudagur 19:00) / Sigurvegari: Afturelding

HK hefur ekki unnið Aftureldingu síðan 2014. Gerist það í kvöld? Ég held ekki. Afturelding heldur taki sínu á HK áfram og verður með fullt hús stiga eftir leik kvöldsins. HK þarf að endurheimta markmenn úr meiðslum hið snarasta.

Valur – FH (Fimmtudagur 19:30) /  Sigurvegari: Valur

Risa leikur í beinni í Sjónvarpi Símans. Deildarmeistaraefni Valsmanna byrjuðu tímabilið á sigri meðan FH tapaði á heimavelli gegn Fram. FH-ingar fara því miður stigalausir heim í kvöld.

ÍBV – Stjarnan (Föstudagur 18.30) / Sigurvegari: ÍBV

Eyjamenn unnu iðnaðarsigur á HK í fyrstu umferðinni meðan Stjarnan tapaði gegn Val á heimavelli. Stjörnumenn misstu af sæti í Evrópukeppninni eftir tap í vítakastkeppni gegn Baia Mare. Ég tel það einvígi hafi tekið mikið á hópinn og þeir mæti laskaðir til leiks í Eyjum og far því miður tómhentir heim.

KA – Haukar (Föstudagur 19:00)  /  Sigurvegari: Haukar

Haukar litu hrikalega illa út gegn Aftureldingu í fyrsta leik. Aron Rafn er búinn að taka fram skónna að nýju meðan Haukar leita að nýjum markverði. KA byrjaði tímabilið á sigri en hópurinn er mikið laskaður vegna meiðsla. Haukar koma sér á beinu brautina og vinna sinn fyrsta sigur á tímabilinu fyrir norðan. Coolbet er að bjóða stuðulinn 1,70 fyrir sigur Hauka

Fram – Þór (Laugardagur 17:00)  / Sigurvegari: Fram

Þór eru á toppi deildarinnar! Já í fyrsta sæti og ég ætla að segja það oft því ég reikna ekki með að fá tækifæri til þess aftur í vetur. Komu öllum á óvart og pökkuðu ÍR saman fyrir norðan í 1.umferð meðan Fram fór í Kaplakrika og vann sterkan sigur á FH. Fram verða of sterkir fyrir Þór í þessum leik og vinna þægilegan sigur og verða með fullt hús stiga. Coolbet er að bjóða 4 marka sigur Fram eða meira á 1,80 æi stuðul sem ég tel vera gott bet þar sem Þórður Tandri leikmaður Þórs er í leikbanni

1.umferð (3 réttir)