Þau Ásbjörn Friðriksson og Rakel Dögg Bragadóttir sem voru gestir í Handboltahöllinni síðastliðinn mánudagskvöld voru sammála því að dómararnir í leik Hauka og Aftureldingar í 1.umferð í Olís-deild karla hafi rænt Haukum vítakasti undir blálok leiksins.

Handboltahöllin er uppgjörsþáttur um Olís-deildirnar sem sýndur er öll mánudagskvöld í opinni dagskrá í Sjónvarpi Símans stýrt af Herði Magnússyni.

2.umferðin í Olís-deild karla hófst í gærkvöldi og heldur áfram í kvöld með tveimur leikjum. Í Vestmannaeyjum tekur ÍBV á móti Stjörnunni klukkan 18:30 og á Akureyri tekur KA á móti Haukum klukkan 19:00. Báðir leikirnir verða sýndir í Handboltapassanum.

Haukar mæta særðir til leiks eftir tap gegn Aftureldingu á heimavelli í 1.umferðinni en þar voru Haukamenn virkilega ósáttir með ákvörðun dómara leiksins að hafa ekki dæmt vítakast undir blálok leiksins.

Hægt er að sjá umfjöllun Handboltahallarinnar um atvikið hér að neðan.