Spænski landsliðsmarkvörðurinn, Gonzalo Perez de Vargas lék sinn fyrsta leik með KIel um síðustu helgi er hann kom inná í sigri liðsins gegn Bergischer. Spánverjinn gekk í raðir Kiel frá Barcelona í sumar.

Stuttu eftir að Vargas skrifaði undir samning við Kiel sleit hann krossband í hné snemma árs en einungis níu mánuðum eftir aðgerð hafði hann snúið aftur til baka og lék sinn fysta leik með þýska liðinu.

Gonzalo Perez de Vargas sleit krossband í deildarleik með Barcelona gegn Bidasoa Irun 15.febrúar stuttu eftir HM í Króatíu.

Hann var hinsvegar ekki í leikmannahópi Kiel í sigri liðsins gegn svissneska liðinu, BSV Bern í Evrópudeildinni á þriðjudagskvöldið. 

Kiel mætir Þýskalandsmeisturunum í Fuchse Berlín í þýsku úrvalsdeildinni í dag klukkan 17:00. Kiel er í 3.sæti deildarinnar með 18 stig en Fuchse Berlín eru tveimur stigum á eftir með 16 stig í 4.sæti deildarinnar. Flensburg er á toppi deildarinnar með 20 stig og Magdeburg í 2.sæti með 19 stig.