Hinn 22 ára gamli og örvhenta skyttan Jóhannes Berg Andrason var á gamlársdag kjörinn íþróttakarl FH.

Jóhannes Berg var algjör lykilleikmaður í liði FH á leiktíðinni 2024-2025 sem varð deildarmeistari annað árið í röð. Jóhannes var frábær á keppnistímabilinu á báðum endum vallarins en hann var markahæsti leikmaður liðsins.
Framganga Jóhannesar gerði það að verkum að hann samdi við danska liðið Tvis Holstebro og hefur hann verið að spila vel á sínum fyrstu mánuðum með danska liðinu. Jóhannes Berg var svo valinn í 35 manna EM landsliðshóp Snorra Steins Guðjónssonar í byrjun desember.

Handkastið óskar Jóhannesi Berg til hamingju með valið.