Stymmi Klippari mun það sem eftir lifir tímabils spá í leiki dagsins bæði í úrslitakeppni og umspili karla og kvenna hér á Íslandi.

Hér að neðan má sjá hvernig hann spáir leikjum dagins

Úrslitakeppni Olís deildar kvenna

ÍBV - Haukar (Miðvikudag 18:00) / Sigurvegari: ÍBV

Ótrúlega spennandi einvígi sem mun ráðast á markvörslu og varnarleik. Haukar unnu ÍBV í síðasta deildarleik þeirra á Ásvöllum um daginn og koma því með sjálfstraust inn í þennan leik en heimavöllur ÍBV er gífurlega sterkur. Bæði lið hafa fengið lítinn undirbúning fyrir þetta verkefni sökum landsleikja. Ég held að ÍBV vinni fyrsta leikinn í einvíginu en það verður nóg af leikjum eftir milli þessara liða.

Valur - Fram (Miðvikudag 19:30) / Sigurvegari: Valur

Þetta voru svakalega einvígi hér á árum áður þegar þessi lið börðust um alla titla sem voru í boði. Það mun því miður ekki vera uppi á teningnum á morgun þar sem Valskonur eru talsvert sterkari en Fram og mun Hafdís vera í sama gír og hún var með landsliðinu á sunnudaginn og hreinlega loka Valsmarkinu.

Umspil Olís deildar karla

Stjarnan - Hörður (Miðvikudag 18:30) / Sigurvegari: Stjarnan

Stjarnan getur tryggt veru sína í Olís deildinni með sigri á morgun. Þeir gerðu góða ferð til Ísafjarðar um helgina og langar eflaust að klára þetta verkefni á heimavelli á morgun. Munurinn á þessum liðum er talsverður eins og sást í fyrsta leiknum í einvíginu þeirra en Stjarnan verður á Benedikts Marinó og Hans Jörgen á morgun sem veikir þá klárlega. Það mun þó ekki koma að sök og Stjarnan vinnur leikinn þægilega og heldur sæti sínu í deild þeirra bestu eftir langt og erfitt tímabil.