Aron Hólm Kristjánsson hefur framlengt samningi sínum við Þór til tveggja ára. Þetta tilkynnti Þór á samfélagsmiðlum sínum í morgun.

Aron Hólm sem er uppalinn í Þór hefur allan inn feril leikið með félaginu. ,,Aron er uppalinn Þórsari og hefur verið mikilvægur hlekkur meistaraflokks undanfarin ár," segir í tilkynningunni frá Þór.

Þórsarar voru nýliðar í Olís-deild karla og enduðu í 9.sæti deildarinnar og voru hársbreidd frá því að komast í úrslitakeppnina.

,,Við erum gríðarlega spenntir að sjá hann áfram á vellinum með okkur á komandi tímabili í Olís deildinni."

Aron Hólm skoraði 27 mörk í 17 leikjum með Þór í Olís-deildinni í vetur en liðið lék undir stjórn Daniels Birkelund sem tók við liðinu síðasta sumar og verður áfram með liðið.