Á dögunum var Ásbjörn Friðriksson sagður koma til greina sem aðstoðarþjálfari Aftureldingu í Olís-deild karla en þetta kom til umræður í einum af uppgjörsþáttum Handkastsins.

Hrannar Guðmundsson fyrrum þjálfari Stjörnunnar er sagður vera líklegastur til að taka við karla en Jónantan Magnússon þjálfari KA/Þórs var sagður hafa neitað því að fara í viðræður við Aftureldingu um að taka við liðinu.

ER ÁSBJÖRN FRIÐRIKS Á LEIÐ Í MOSÓ?

Ásbjörn Friðriksson segist ekki vera á leið í Mosfellsbæinn þegar Handkastið hafði samband við hann.

,,Ég er ekki að fara að þjálfa hjá Aftureldingu," sagði Ásbjörn í samtali við Handkastið.

Ásbjörn lék lengst af á ferlinum með FH en lagði skóna á hilluna eftir síðustu leiktíð en hann lék síðustu ár sín sem spilandi aðstoðarþjálfari FH. Í vetur hefur hann verið einn af sérfræðingunum í Handboltahöllinni í Sjónvarpi Símans.

Samkvæmt heimildum Handkastsins hafði Grótta einnig áhuga að fá Ásbjörn sem þjálfara karlaliðs félagsins en Ásbjörn afþakkaði það boð.