Íslenska þríeykið hjá Blomberg-Lippe lagði sitt af mörkum þegar liðið tryggði sér sæti í úrslitum um þýska meistaratitilinn eftir sigur í oddaleik undanúrslitaeinvígsins gegn Thüringer.

Blomberg-Lippe og Thüringer áttust við í spennandi undanúrslitaeinvígi þar sem bæði lið höfðu unnið sitthvorar leikinn á heimavelli. Blomberg-Lippe hafði hinsvegar betur í oddaleik einvígsins á heimavelli í dag þegar liðið vann sannfærandi ellefu marka sigur 35-24.

Blomberg-Lippe er deildarmeistari og hefur því heimavallarrétt í úrslitaeinvíginu gegn Dortmund, sem gæti reynst dýrmætt. Liðið hefur nefnilega verið ósigrandi á heimavelli sínum í vetur, í öllum keppnum.

Sú sigurganga hélt áfram í dag þar sem liðið vann öruggan sigur. Elín Rósa Magnúsdóttir og Andrea Jacobsen skoruðu fjögur mörk hvor og Díana Dögg Magnúsdóttir skoraði eitt mark.