Það var heldur betur mikil dramatík þegar Íslendingaliðið í þýsku úrvalsdeildinni, Blomberg-Lippe vann sinn fyrsta þýska meistaratitil á sunnudaginn þegar liðið lagði Dortmund af velli 30-26 á heimavelli og einvígið þar með 2-1.

Með Blomberg-Lippe leikur íslenska þríeykið, Andrea Jacobsen, Elín Rósa Magnúsdóttir og Díana Dögg Magnúsdóttir en sú fyrst nefnda yfirgefur félagið í sumar og gengur í raðir ÍBV í Olís-deild kvenna. Díana Dögg Magnúsdóttir og Elín Rósa Magnúsdóttir skoruðu báðar fjögur mörk fyrir Blomberg-Lippe en Andrea Jacobsen skoraði 3 mörk. 

Á samfélagsmiðlum Instagram má sjá skemmtilegt myndskeið af varamannabekk Blomberg-Lippe í aðdraganda og þegar ljóst varð að liðið hafði unnið leikinn og þar með tryggt sér þýska meistaratitilinn.

View this post on Instagram

A post shared by Weib‘z Media | Fotografie & Medien (@weibz.media)