Samkvæmt heimildum Handkastsins verður Guðmundur Rúnar Guðmundsson ekki áfram sem aðalþjálfari karlaliðs Fjölnis í Grill66-deildinni á næstu leiktíð.

Guðmundur Rúnar tók við þjálfun liðsins fyrir síðasta tímabil eftir að hafa verið aðstoðarþjálfari Gunnars Steins Jónssonar tímabilið þar á undan í Olís-deildinni. Liðið féll úr Olís-deildinni það tímabil og lék því í Grill66-deildinni á síðustu leiktíð.

Undir stjórn Guðmundar Rúnars hafnaði Fjölnir í 6.sæti Grill66-deildarinnar. Þrátt fyrir það komst liðið í umspil um laust sæti í Olís-deildinni en féll úr leik í undanúrslitum umspilsins eftir 2-1 tap í einvígi gegn Stjörnunni.

Ekki liggur fyrir hver tekur við þjálfun liðsins en hefur nafn Gunnars Vals Arasonar verið nefnt til sögunnar en hann stýrði kvennaliði Fjölnis á síðustu leiktíð og var aðstoðarmaður Guðmundar með karlaliðið. Hann hætti hinsvegar með kvennaliðið eftir tímabilið.