Vilhelm Gauti Bergsveinsson hefur framlengt samningi sínum við HK og verður áfram við störf hjá félaginu út næsta keppnistímabil.

Vilhelm mun áfram gegna stöðu aðstoðarþjálfara karlaliðs HK í Olís-deildinni auk þess að stýra liði HK 2 í Grill66-deildinni.

Með framlengingunni tryggir HK sér áfram krafta eins reynslumesta þjálfara félagsins. Vilhelm er sannur HK-ingur sem hefur um árabil komið að starfi félagsins, bæði sem leikmaður og þjálfari, og þekkir því vel til innan raða þess.

Í tilkynningu frá HK er Vilhelm sagður hafa unnið afar gott starf á undanförnum árum og verið mikilvægur þáttur í uppbyggingu handknattleiksstarfs félagsins.

HK lýsir jafnframt yfir ánægju með að Vilhelm hafi ákveðið að halda áfram störfum hjá félaginu og segist hlakka til áframhaldandi samstarfs á komandi tímabili.

HK endaði í 8.sæti Olís-deildarinnar á síðustu leiktíð og tapaði 2-0 gegn Íslandsmeisturum Vals í 8-liða úrslitakeppninnar. Miklar breytingar verða á liði HK fyrir næstu leiktíð.