Handboltamiðillinn GoHandball hefur tekið saman lista yfir þær 20 handknattleikskonur sem miðillinn telur þær bestu í sögunni. Við valið er horft til einstaklingsgæða, árangurs með félagsliðum og landsliðum, langlífis á hæsta stigi leiksins og þeirra áhrifa sem leikmennirnir höfðu á þróun íþróttarinnar.

Hér að neðan má sjá listann yfir þær 20 handknattleikskonum sem GoHandball telur þær bestu í sögunni.

20. Jovanka Radičević (Svartfjallaland)

Radičević var einn stöðugasti hornamaður sinnar kynslóðar. Hún lék á hæsta stigi í meira en áratug og átti stóran þátt í því þegar Svartfjallaland vann til silfurverðlauna á Ólympíuleikunum árið 2012.

19. Allison Pineau (Frakkland)

Pineau var fjölhæfur leikstjórnandi sem gat leyst margar stöður í útlínunni. Hún var lykilmaður í uppgangi franska landsliðsins sem endaði meðal annars með sem sigurvegari Ólympíuleikanna árið 2021.

18. Valérie Nicolas (Frakkland)

Valérie Nicolas var einn fyrsti franski markvörðurinn sem skipaði sér í hóp þeirra bestu í heiminum. Hún varð heimsmeistari árið 2003 og þótti sérstaklega sterk þegar mest var undir í mikilvægum leikjum.

17. Andrea Lekić (Serbía)

Andrea Lekić þótti einn allra besti leikstjórnandi heims um árabil. Hún var öflug bæði í markaskorun, leikskilning og var valin besti handknattleiksmaður heims af IHF árið 2013.

16. Isabelle Gulldén (Svíþjóð)

Isabelle Gulldén var leiðtogi sænska landsliðsins um árabil. Hún var þekkt fyrir frábæra yfirsýn, mikla tækni og hæfileikann að taka yfir leiki þegar á þurfti að halda.

15. Heidi Løke (Noregur)

Heidi Løke er talin einn besti línumaður sögunnar. Hún var lykilmaður í gullaldarliði Noregs sem vann Ólympíuleika, heimsmeistaramót og Evrópumót oftar en einu sinni.

14. Alexandra Lacrabère (Frakkland)

Alexandra Lacrabère var öflug skytta sem átti stóran þátt í velgengni Frakka á sínum tíma. Hún sameinaði kraft og stöðugleika og steig oft upp þegar mest á reyndi.

13. Bojana Popović (Svartfjallaland)

Bojana Popović var afburðaskytta og leiðtogi sem skilaði miklum árangri bæði með félagsliðum og landsliði. Hún var einn af lykilmönnum Svartfjallalands þegar liðið vann Ólympíusilfur árið 2012.

12. Anja Andersen (Danmörk)

Andersen er einn áhrifamesti leikmaður sem komið hefur fram í kvennahandbolta. Hún var þrívegis valin besti leikmaður heims af IHF og ruddi brautina fyrir nýja kynslóð leikmanna með skapandi og óhefðbundnum leik sínum.

11. Gro Hammerseng-Edin (Noregur)

Fyrirliði gullaldarliðs Noregs og Ólympíumeistari árið 2008. Hún var rólegur en áhrifamikill leiðtogi sem gerði samherja sína betri.

10. Stine Bredal Oftedal (Noregur)

GoHandball lýsir Stine Bredal Oftedal sem heila norska landsliðsins. Hún stjórnaði leikjum af mikilli yfirvegun og nákvæmni og leiddi Noreg til fjölda sigra á stærsta sviðinu.

9. Bojana Radulović (Ungverjaland)

Bojana Radulović var ein markahæsta skytta sinnar kynslóðar. Hún leiddi Ungverjaland meðal annars til silfurverðlauna á Ólympíuleikunum árið 2000.

8. Anita Görbicz (Ungverjaland)

Görbicz var leikstjórnandi með einstaka yfirsýn og sköpunargáfu. Hún skoraði yfir 1.000 mörk í Meistaradeild Evrópu og var um árabil hjartað í liði Győr.

7. Mia Hermansson Högdahl (Svíþjóð)

Sænska goðsögnin var einn besti leikmaður tíunda áratugarins og átti stóran þátt í að koma sænskum kvennahandbolta á kortið.

6. Yvette Broch (Holland)

Broch var á hátindi ferils síns einn öflugasti línumaður heims. Hún var lykilmaður í sigurgöngu Győr í Meistaradeild Evrópu og afar erfið viðureignar nálægt markteig.

5. Nora Mørk (Noregur)

Mørk hefur verið einn hættulegasti sóknarmaður heims um árabil. Hún hefur orðið markadrottning á stórmótum og í Meistaradeildinni og er þekkt fyrir hraða sinn og skotkraft.

4. Linn-Kristin Riegelhuth Koren (Noregur)

Koren var einn helsti markaskorari gullaldarliðs Noregs. Hún skilaði árangri ár eftir ár og var sérstaklega öflug í úrslitaleikjum stórmóta.

3. Katrine Lunde (Noregur)

GoHandball telur Lunde vera besta markvörð sögunnar. Ferill hennar á hæsta stigi spannar áratugi og hún hefur átt stóran þátt í fjölda titla með landsliði og félagsliðum.

2. Aušra Fridrikas (Austurríki)

Fridrikas var einn öflugasti markaskorari síns tíma. Hún þótti afar fjölhæf, sýndi mikla forystu og var meðal skærustu stjarna alþjóðahandboltans á sínum besta aldri.

1. Cristina Neagu (Rúmenía)

Í efsta sæti listans er Cristina Neagu. GoHandball telur hana áhrifamesta einstaklinginn í sögu kvennahandboltans. Hún var fjórum sinnum valin besti handknattleiksmaður heims af IHF og hefur um árabil verið einn mesti markaskorari íþróttarinnar. Skotkraftur hennar, stöðugleiki og hæfileikinn til að ráða úrslitum leikja gera hana að mati miðilsins að bestu handknattleikskonu sögunnar.

Heimild: GoHandball – „The 20 Greatest Women's Handball Players of All Time“.