Keppni á U18 Evrópumóti karla í handbolta stendur nú sem hæst í Serbíu og baráttan um markakóngstitilinn er farin að harðna þegar komið er vel inn í mótið.

Færeyska stórskyttan Boas Ellefsen á Skipagøtu, sem lengi vel leiddi markalistann, hefur nú fallið niður í þriðja sæti eftir að tveir leikmenn fóru fram úr honum.

Í efsta sæti er nú Yonathan Pelach frá Ísrael með 56 mörk. Pelach tók forystuna með því að skora 14 mörk gegn Sviss og önnur 14 gegn Svartfjallalandi í milliriðlinum.

Skammt á eftir honum er Jakub Valent frá Slóvakíu með 48 mörk, en hann skoraði 10 mörk gegn Austurríki og 13 gegn Finnlandi.

Hinn færeyski, Boas hefur skorað 44 mörk og er áfram í harðri baráttunni um markakóngstitil mótsins.

Tveir íslenskir leikmenn eru einnig á meðal 25 markahæstu leikmanna mótsins. Freyr Aronsson er í 12. sæti með 28 mörk og Gunnar Róbertsson í 19. sæti með 23 mörk.

Íslenska liðið verður í eldlínunni á morgun klukkan 15:00 þegar liðið mætir Þýskalandi í 8-liða úrslitum mótsins.

Hér að neðan má sjá lista yfir markahæstu leikmenn mótsins.