Þrír leikir fóru fram á Norðurlöndunum í kvöld en Larvik hélt áfram á sigurbraut í norsku úrvalsdeildinni þegar liðið vann Utleira á heimavelli, 25-21.

Dana Björg Guðmundsdóttir skoraði eitt mark úr þremur skotum fyrir Larvik en liðið er ósigrað með sex stig eftir þrjá leiki og sitja í þriðja sæti deildarinnar, tveimur stigum á eftir Storhamar sem hafa þó leikið einum leik meira.

Í Svíþjóð var tvíhöfði í sænska bikarnum í Partille Arena þegar karlalið Sävehof tryggði sér farseðilinn í átta liða úrslitin þrátt fyrir eins marks tap gegn Skövde, 38-39. Birgir Steinn Jónsson skoraði ekki í leiknum en fékk eina brottvísun.

Kvennamegin eru átta liða úrslitin þegar hafin en meistararnir í Svíþjóð, Sävehof tóku á móti Höörs HK og unnu gríðarlega sterkan níu marka sigur, 38-29. Elín Klara Þorkelsdóttir hafði hægt um sig að þessu sinni og skoraði aðeins eitt mark og fékk eina brottvísun að auki.

Úrslit dagsins:

Larvik 25-21 Utleira

Sävehof 38-39 Skövde

Sävehof 38-29 Höörs HK