Dómaranefnd Handknattleikssambands Íslands stendur fyrir dómaranámskeiði í Framhúsinu á morgun, miðvikudaginn 28. október þar sem þátttakendum gefst kostur á að ljúka bæði A- og B-stigi á einu kvöldi.

Námskeiðið er opið öllum sem hafa áhuga á að prófa sig áfram í dómgæslu og ekki er gerð krafa um fyrri reynslu. Dómgæsla getur verið skemmtileg og gefandi leið til að taka þátt í handboltanum, auk þess sem möguleiki er á að vinna sig upp og dæma í efstu deildum landsins.

A-stig námskeiðsins fer fram frá klukkan 17:30 til 19:30 og veitir réttindi til að dæma leiki í 5. flokki og yngri aldursflokkum. Námskeiðsgjaldið er 2.500 krónur.

B-stigið hefst strax að loknu A-stigi, klukkan 19:30, og stendur til 21:00. Það veitir réttindi til að dæma í 3. flokki og yngri aldursflokkum. Þátttakendur þurfa að hafa lokið A-stigi áður en þeir taka B-stig og greiða samtals 3.500 krónur fyrir bæði námskeiðin.

Greitt er á staðnum og allir sem standast prófið fá aðgangskort sem gildir á handboltaleiki um allt land.

HSÍ og Handkastið hvetur alla áhugasama til að mæta, hvort sem um er að ræða iðkendur, foreldra eða aðra handboltaáhugamenn.